30 de decembro de 2011

BRAZOS PRA SEITURA - Canción

O vento da emigración
arrasou a nosa terra,
os vellos laian,
os nenos, berran.

Fai anos cincoenta,
hoxe nin vinte hai,
chega o més da sega
quen seiturará?

Quince na Suiza,
doce alen do mar,
tres no sul da Francia
quen seiturará?

Dos vinte que quedan
dez a traballar,
sete que son nenos
quen seiturará?

Tres vellos que agardan
a morte a chegar,
co corpo engurrado
quen seiturará?

Homes e mulleres,
hai que sementar
a nosa verdade,
por ela loitar.

Pechemo-las portas,
que non fuxan máis,
pois se van todos
quen seiturará?.

Ningún comentario:

Publicar un comentario

Nota: só un membro deste blog pode publicar comentarios.