26 de febreiro de 2014

¿Sabes de onde é este fragmento?

Foi unha viaxe curta. 
Sen demasiada paisaxe, e sen nada de descanso; pero a Cramer púxoo moi contento. Pasou de longo a planta baixa. Facía pouco, esta fora o obxectivo número un; agora non tiña importancia. Cramer xa case estaba fóra. Por primeira vez, as cousas íanlle ben: até ese momento salvouse raspando. Agora era distinto. O ascensor de servizo cambiara o panorama. O ascensor detívose. A viaxe concluíra. 
Cramer estaba listo, escoitando. Debaixo del, abriuse a porta. Un ruído de voces chegou claramente até o seu refuxio, pero non quedaron moito tempo e aos poucos desvanecéronse. 
A gaiola, baleira, só fora motivo dunha inspección somera: a manobra de Cramer pasara inadvertida; Deixou pasar o tempo. Non se ouvía nada de importancia. Había un cheiro rancio na escuridade do pozo. 
Xa era o momento.
...

Ningún comentario:

Publicar un comentario

Nota: só un membro deste blog pode publicar comentarios.