20 de abril de 2018

Xornadas Irmandiñas

Xornadas Irmandiñas
Organizadas por INCUDE
Centro Universitario de Riazor
Almirante Lángara s. n.
Sábado 21 de abril de 2018
A partir das 19,00 horas

* Partidas do Xogo Irmandiños, creado pola nosa entidade

* Partidas de Carcassone. O xenial xogo de construcción de cidades.

* Partidas de Dixit

* Proba do xogo Los Constructores. Será a primeira vez que probemos este xogo.

Trofeos para os tres primeiros clasificados.

As xornadas nacen para conmemorar que o 25 de abril 1467 empezou a Grande Revolta Irmandiña.

16 de abril de 2018

O Parrote

A porta que se ve non é a chamada de San Miguel, senón a da Cruz, que se abriu en 1767 na nova muralla, levantada uns anos antes en substitución da orixinal do Parrote.

A muralla vella quedara retranqueada e sen utilidade baixo o muro de descarga de Capitanía.

No oco entre as portas foi onde logo colocaron o Hotel “Finisterre”, que na súa orixe era o Hotel "La Solana".

15 de abril de 2018

Veladas Indecentes

Fragmento de Veladas Indecentes, de Manuel María Lourenzo Lourenzo, nado en Ferreira do Valadouro o 15 de abril de 1943.

SlBILA: Ainda a facer o pallaso, Coconut? Seica non sabes pensar noutra cousa?
COCONUT: Non me grites, Sibila. A miña raza ten a culpa. Se no canto de negro angolano fose músico en New York, ainda havias pagar por facé-lo comigo.
SlBILA: Vai-te, babuíno. Aqui ninguén reclama o teu cu negro.
COCONUT: Dá-me a tua menciña e xa verás como me esfumo.
SlBlLA: Atrás.
...

13 de abril de 2018

Actividades co Xogo

Se queres coñecer o noso xogo ou que INCUDE o presente nalgunha actividade relacionada coa Gran Revolta Irmandiña, so tes que escribirnos e contar a vosa idea a incude@udc.es

9 de abril de 2018

Santo Antón

A construción do castelo prolongouse desde o século XVI a boa parte do XVII, períodos durante os cales a cidade viu partir a Armada Invencible, tivo que facer fronte aos ataques ingleses, como o de Drake en maio de 1589, e ao acoso da frota do arcebispo de Burdeos no ano 1639.

Do século XVI ao XVIII foi un edificio defensivo e prisión, e máis tarde foi empregado de novo como lazareto para illar os mariñeiros que chegaban á cidade afectados dalgunha enfermidade infecciosa.

A fortaleza sufriu importantes reformas a partir do ano 1777 para instalar nela o Corpo de Enxeñeiros do Exército, reformas nas que se construíron unha batería baixa, un pequeno porto, unha capela, ameas e a casa do gobernador.

Estas reformas fixéronse necesarias ao quedar obsoleta a súa capacidade defensiva xa que os buques do século XVIII eran máis altos que o castelo, quedando as súas plataformas desprotexidas.

8 de abril de 2018

PERO GARCÍA BURGALÉS

PERO GARCÍA BURGALÉS e AFONSO X?

-Senhor, eu quer'ora de vós saber,
pois que vos vejo tan coitad'andar
con amor, que vos non leixa, nen vos ar
leixa dormir, nen comer,
que farei a que faz mal amor,
de tal guisa que non dormio, senhor,
nen posso contra el conselh'haver?

-Pero García, non poss'eu saber
como vos vós possades emparar
d'amor; segundo quant'é meu cuidar,
que vos non faz muito mal sofrer,
ca tanto mal mi faz a mí amor,
que se eu fosse do mundo senhor,
da-lo-ía por amor non haver!


-Senhor, direi-vos que oí dizer
a quen del foi coitado gran sazón:
esse me disse que por oraçón,
per jajuar, per esmola fazer,
ca por aquesto se partiu del amor;
fazed'esto, quiçá Nostro Senhor
vo-lo fará por esto perder.

-Pero García, sempr'oí dizer
que os conselhos boos, boos son;
farei esso, se Deus mi perdón,
pois lhi per al non posso guarecer;
pois que mi tanto de mal faz amor,
rogarei muito a Nostro Senhor
que mi dé mort'ou mi o faça perder.

6 de abril de 2018

Versión para o móbil

Aínda que é demasiado pronto estamos encauzando a posibilidade de que Irmandiños sexa tamén un xogo para móbil.
A idea é que xa neste primeiro semestre teñamos unha versión de probas para poder xogar en dispositivos mobiles.
Seguiremos informando.

2 de abril de 2018

Castelo de San Diego

Castelo de San Diego

A construción do edificio debeuse á necesidade de establecer unha rede de puntos defensivos na ría coruñesa que evitasen ataques como o realizado polos ingleses en 1589.

No ano 1639 unha frota francoholandesa tentou destruír á española que estaba fondeada na baía. Os disparos efectuados desde Santa Cruz e ao parecer a cadea que se tendeu entre San Antón e San Diego impediron que os atacantes lograsen o seu obxectivo.

No 1923 xa fixeron un primeiro recheo na zona de San Diego co fin de ampliar as instalacións portuarias.

A instalación da refinaría supuxo a desaparición do castelo de San Diego, xa que o peirao petroleiro modificou o litoral neste lugar. En 1963 demoleuse a vella fortificación, que na actualidade é lembrada pola rúa que leva o seu nome na zona da Cubela, non moi lonxe do lugar onde se situou o castelo. Resultaría inimaxinable noutros países, con maior respecto á historia, que me permitiran o derribo dun castelo do século XVII.

Xa no 1886 o Goberno fixera público o seu desexo de conservar o castelo, mentres a Deputación e o Concello de Oza querían eliminalo.

1 de abril de 2018

PERO DA PONTE e GARCÍA MARTINZ

PERO DA PONTE e GARCÍA MARTINZ

-Don García Martiiz, saber
quería de vós ua ren:
de quen dona quer mui gran ben
e lhi ren non ousa dizer
con medo que lhi pesará,
(e non o posso máis sofrer),
dizede-mi se lho dirá
ou que mandades i fazer.

-Pero da Ponte, responder
vos quer'eu e dizer meu sén:
se ela pode, per alguén,
o ben que lh'el quer, aprender,
sol non lho diga; mais se ja
por al non o pod'entender,
este pesar dizer-lho-á,
e pois servir e atender.

-Don García, como direi
a quen sempr'amei e serví,
atal pesar por que des i
perça quanto ben no mund'hei:
d'eu veer e de lhi falar?
Ca sol viver non poderei,
pois m'ela de si alongar.
E d'esto julgue-nos el-Rei.

-Pero da Ponte, julgar-m'-ei
ant'el-Rei vosqu'e dig'assí:
pois que per outren nen por min,
mia coita non sabe, querrei
dizé-la; e, se s'én queixar,
atan muito a servirei,
que, por servir, cuid'acabar
quanto ben sempre desejei.

-Don García, non poss'osmar
com'o diga, nen o direi;
a quen serví sempr'e amei,
como direi tan gran pesar?

-Pero da Ponte, se m'ampar
Deus, praz-mi que nos julgu'el-Rei.