Aforismos de Leonardo

363.- «Por iso xulgo a túa invención bastante inferior á do pintor: quero dicir, porque non pode comporse con aquela unha proporcionalidade harmónica. Ela non satisfai a mente do oínte ou espectador, como o fai a boa proporción dos bellísimos detalles que forman a divina fermosura deste rostro que contemplo, os cales, todos ao mesmo tempo reunidos en conxunto, prodúcenme tal pracer coa súa divina proporción, que non creo que outra cousa sobre a Terra, feita de man de home, puidese darmo máis grande.»