Aforismos de Leonardo

365.- Pois quen perde a vista, perda a beleza do mundo con todas as formas das cousas creadas, e o xordo perde unicamente o son, que resulta da axitación do aire golpeado, cousa de mínima importancia no mundo. Ti que dis que unha ciencia é tanto máis nobre canto máis digno é o suxeito a que se aplica, e que por iso vale máis unha falsa concepción da esencia de Deus que a concepción verdadeira dunha cousa menos digna, haberás de admitir que a pintura, que só se aplica ás obras de Deus, é máis digna que a poesía, que só se ocupa en fraguar mentireiras ficcións das obras humanas.