23 de xuño de 2011

Aforismos de Leonardo

14.- Hai, sen dúbida, a mesma proporción da mentira á verdade que das tebras á luz; e a verdade é tan elevada esencia que, aínda se se aplica a materia humilde e baixa, excede incomparablemente as vagas e mentireiras amplificacións e os máis grandes e sublimes discursos.
Aínda que o noso espírito, en efecto, teña á mentira por quinto elemento (agregado aos catro que compoñen o mundo: aire, terra, lume e auga), non deixa de ser certo que a verdade é a soberana alimentación non dos espíritos vagabundos, pero si das intelixencias agudas. Mais ti, que vives de ilusións, preferirás os sofismas e as mentiras dos charlatáns nas cousas grandes e incertas, ás verdades naturais, ben que menos pretenciosas.

Ningún comentario:

Publicar un comentario

Nota: só un membro deste blog pode publicar comentarios.