Aforismos de Leonardo

241.- Entre as causas máis poderosas de prexuízos, penso que os ríos coas súas ruinosas inundacións ocupan o primeiro lugar; e non o lume, como quixeron algúns, por canto o lume termina o seu vórtice cando lle falta o alimento, mentres que o movemento da auga mantido pola inclinación dos vales, só termina e morre no último baxío do val. O lume perdura mentres acha con que nutrirse; o movemento da auga necesita da pendente para propagarse. O alimento do lume é desunido, e desunido e separado o dano causado, o cal cesa cando falta aquel. A inclinación dos vales é continua, e, por conseguinte, é tamén continuo o prexuízo que ocasiona o devastador curso do río, ata que a súa marcha termínese no seo do mar, único repouso da peregrinación das augas fluviais.