23 de maio de 2018

Inicio de Os parentes do pobo dos elfos

Os Parentes do Pobo dos Elfos.
Lord Dunsany


1. As Criaturas Salvaxes

Sopraba o vento do norte, e os últimos días de Outono sucedíanse en tons vermellos e dourados. Sobre os pantanos a tarde elevouse solemne e fría.
   
E todo estivo tranquilo.
   
Entón a última pomba volveu ao seu fogar nas árbores, na distante terra seca, cuxas formas se tornaron misteriosas na néboa. E novamente estivo tranquilo. Mentres a luz desvanecía e a bruma facíase máis profunda, o misterio arrastrouse desde todos os recunchos, achegándose.

Daquela os verdes chorlitos chegaron trinando, e todos descenderon. E novamente todo foi quietude, salvo cando un dos chorlitos elevábase e voaba un pouco, profiriendio o berro da desolación. E a terra volveuse acougo e silencio, esperando a primeira estrela. Entón apareceu o pato e a mareca, bandada tras bandada: e toda a luz do día desvaneceuse do ceo excepto unha banda vermella de luz. Sobre a luz apareceron, negras e inmensas, as ás dunha bandada de gansos batendo o vento sobre os pantanos. Eles, tamén, baixaron entre os xuncos.

E repentinamente, as estrelas apareceron e brillaron na calma, e logo houbo silencio nos inmensos espazos da noite.

...

Ningún comentario:

Publicar un comentario

Nota: só un membro deste blog pode publicar comentarios.