Autor: Eslava Galán, Juan
Xénero: Historia
Sinopse: 1914. Fai agora cen anos... Europa vivía unha plenitude dourada. Os adiantos científicos e técnicos prometían un futuro feliz, sen fames negras nin guerras. Pero un terrorista serbio asasinou, durante un desfile en Saraievo, ao herdeiro do Imperio austrohúngaro e á súa esposa. Ese feito illado provocou un efecto domino que arrastrou á guerra a máis de cincuenta países. En catro anos de contenda, a Gran Guerra arrasou Europa e arruinou aos catro imperios que dominaban a Terra. As consecuencias daquel cataclismo aínda perduran no mundo inestable que herdamos. Ao longo destas páxinas, contemplará o lector os inéditos estragos da nova guerra tecnificada que impoñen a metralladora, o tanque e os gases asfixiantes nos campos de lodo e sangue asucados por labirintos de trincheiras. Xunto a eses horrores, coñecerá á sedutora Mata Hari e ao lendario Barón Vermello, que brinda cunha nova copa de prata por cada avión derrubado. Tamén a Rasputín, o inquietante e corpulento monxe que seduce ás damas da corte rusa. O lector viaxará no tren selado que conduciu a Lenin a Rusia en compañía da súa esposa e do seu amante, sobrevoará África nun zepelín, asistirá ao asasinato da familia do tsar, sorprenderase cos pasatempos da tropa, cos costumes dos bordeis, cos espías que pululaban polos hoteis de luxo de Madrid e con mil historias particulares de anónimos raparigos e de futuros grandes homes que xamais volverían ser os mesmos despois daquela decisiva experiencia.
Ningún comentario:
Publicar un comentario
Nota: só un membro deste blog pode publicar comentarios.